रोयल फाउण्डेसन एक मुनाफा रहित जनहितकारी सामाजिक संस्था हो । “ज्येष्ठलाई सम्मान, समाजको पहिचान” भन्ने मूल परिकल्पनाका साथ रोयल फाउण्डेसन संस्था दर्ता ऐन २०३४ बमोजिम २०७६ साल श्रावण ७ गते जिल्ला प्रशासन कार्यालय कास्कीमा दर्ता भई २०७८ साल भदौ १५ गते समाज कल्याण परिषदमा समेत आवद्धता भएको छ । स्व. मेजर तुलसी प्रसाद गुरुङ्गको नेतृत्वमा ११ जना संस्थापक सदस्यहरुबाट सुरु भएको संस्था अहिले “सयौं थुङ्गा फुलका हामी एउटै माला नेपाली” भने जस्तै ७०० भन्दा बढि सदस्यहरुको एउटै ठुलो घर बनेको छ । पोखरा रोयल सहकारीको परिकल्पना तथा मार्गदर्शनमा त्यस सहकारीका सदस्यहरु आवद्ध हुने गरि पवित्र धारणा र उद्देश्य लिएर सदस्यहरु विच सामाजिक क्रियाकलाप गर्ने, ज्येष्ठ नागरिकहरुका लागि विशेष सम्मान कार्यक्रम, योगदानमा आधारित पेन्सन, विपद व्यवस्थापनमा सहयोग। असहाय बालबालिका, एकल महिला वा पुरुषहरुलाई विशेष सहयोग गर्ने र सदस्यहरुलाई सुत्केरी स्याहार खर्च, निको नहुने खालका दीर्घ रोग लाग्दा सहयोग, मृत्यु हुदा अन्तिम संस्कारको बेला राहत प्रदान गर्ने, अध्ययन अवलोकन भ्रमण गराउने, सदस्यहरुलाई व्यवसायिक बनाउन तालिम, गोष्ठी, सेमिनार आदि सञ्चालन गर्ने जस्ता उद्देश्य र कार्य गर्दै अगाडी बढिरहेको छ । प्रकृतिको जीवनचक्रको नियम अनुसार सबै मानव बालक, युवा र वयस्क (ज्येष्ठ) हुनु नै पर्दछ । ज्येष्ठ नागरिकहरु समाजका जिवित इतिहासहरु, उनिहरुसंग रहेको ज्ञान, सीप र क्षमतालाई राष्ट्र, समाज र नयाँ पुस्ताले ग्रहण गर्नुपर्दछ भन्ने मान्यता यस संस्थाको रहेको छ । नेपालको संविधान २०७२ ले ज्येष्ठ नागरिकहरुको हक, हित र अधिकार सुनिश्चित गरेको छ । तर यो प्रचारवाजी गर्ने र सुनाउने काम मात्र भएको छ । संविधान, ऐन नियम, नीति बमोजिम उल्लेख भएका कुराहरु आम रुपमा कार्यान्वयन हुन सकेका छैनन् । यस्ता कार्यहरुलाई कार्यान्वयन गराउनको लागि छलफल, बहस, पैरवी गर्ने र राज्य र सरकारलाई समय समयमा दवाव दिईरहनु पर्दछ । समाजमा हुने खाने र सहयोगी भावना भएका सदस्यहरुबाट सहयोग लिएर आपद विपदमा परेका र हुदा खाने नागरिकहरुलाई केहि सहयोग गर्नु हामी सबैको कर्तव्य हो । संस्थाले हाल सम्म जन्म देखि मृत्यु सम्मका विभिन्न चरणमा सयौं सेवा र सहयोगको कामहरु गर्दै आईरहेको छ । मानव सेवा नै सबै भन्दा ठुलो धर्म “परोपकारं पुण्यायं पापाय परपिडनम्” अरुको उपकार गर्नु नै धर्म हो र पिडा दिनु पाप हो भन्ने महान बिचारलाई मनन गरि सबैलाई अघि बढ्ने सद्बुद्धि प्राप्त होस् । यस परोपकारी संस्थामा विधान बमोजिम सदस्य बन्न आई सामाजिक हितमा लाग्न सम्पुर्णमा हार्दिक आव्हान गर्दछु ।
धन्यवाद ।